Bu günlərdə Belçikada maraqlı bir məhkəmə prosesi keçirilib.
Avtosfer.az xəbər verir ki, 90 km/saat sürət limiti olan yolda 170 km/saat sürətlə hərəkət edən BMW sürücüsü hakim qarşısına çıxarlıb. Məlum olub ki, vəsiqəni 5 ay əvvəl alan 23 yaşlı gənc üçüncü dəfərdir sürət rejimini pozduğu üçün məhkəməlik olur.
Təqsirləndirilən şəxs idarə etdiyi avtomobilin çox güclü mühərriki olduğu üçün qeyri-iradi olaraq sürəti artırdığını bildirib. Onun vəkili də oxşar arqumentlə çıxış edib.
Dövlət ittihamını müdafiə edən prokuror isə gənc sürücüyə yarızarafat, yarıciddi belə məsləhət verib: “bu maşını sat, “Renault Clio” al, istəsən də bərk sürə bilməyəcəksən”.
Hakimin qərarı isə başqa cür olub. Sürücü 600 avro cərimə olunub, 1 ay sürücülük hüququndan məhrum edilib. Bu müddət bitdikdən sonra isə o, ləğv edilmiş sürücülük vəsiqəsinin bərpası üçün yenidən nəzəri imtahan verməlidir.
Vüqar Yaşaroğlu
