“Kanal D”də yayımlanan “Eşraf Rüya” serialında Çağatay Ulusoy ilə baş rolu paylaşan Demet Özdemir təkcə aktyorluq bacarığı ilə deyil, zərif görünüşü və təbii gözəlliyi ilə də tez-tez adından söz etdirir.
Musavat.com xəbər verir ki, sosial şəbəkələrdə milyonlarla izləyicisi olan Demet bu dəfə şəxsi həyatı ilə diqqət çəkib.
Aktrisanın bacısı Derya Özdemir onların yer aldığı bir foto paylaşıb.
Deryanın paylaşımın altına yazdığı “Şanslı olduğum çox şey var, amma sən həmişə birinci sıradasan. Çox gözəl xatirələrimiz var, daha çoxu olsun” sözləri isə izləyiciləri duyğulandırıb.
Sosial mediada böyük maraq görən bu paylaşım Derya Özdemirin keçmişi ilə bağlı maraqlı bir detalı da üzə çıxarıb. Məlum olub ki, o, 2004-cü ildə yayımlanan Mustafa Sandalın məşhur “İsyankar” klipində rol alıb.
Musavat.com
