Son olaraq “Üç bacı” serialında rol alan məşhur aktrisa və yazıçı İclal Aydın yeni sevgisini sosial şəbəkə üzərindən elan edib.
Musavat.com xəbər verir ki, aktrisa instaqram hesabında paylaşdığı görüntülərlə heykəltaraş Ozan Ünal ilə münasibətdə olduğunu bildirib.
İclal Aydın paylaşımında qeyd edib:
“Hər axşam mətbəximizin pəncərəsində, hər səhər həyətin hasarında, həmişə və əbədi olaraq birlikdədirlər. Bayramınız mübarək, sevgilər”.
Ozan Ünal isə Aydının paylaşımına bu romantik şərhi yazıb:
“Tam vaxtında, tam yerində, öz kainatlarında, iki nəfərlik bir dünyanın iki göyərçini”.
Qeyd edək ki, İclal Aydın və Ozan Ünal 5 oktyabr 2022-ci ildə yazıçının yeni kitabı ilə bağlı layihə çərçivəsində bir araya gəlmişdilər.
Musavat.com
