Cebheinfo portalından verilən məlumata görə, ain.az xəbər yayır.
“Baş verən ən vacib şey Ermənistan Respublikasının daimi münaqişə tələsindən çıxmasıdır”.
“Cebheinfo.az” xəbər verir ki, bunu hakim “Vətəndaş Müqaviləsi” Partiyasının proporsional namizədlər siyahısına rəhbərlik edən Ermənistanın Baş naziri Nikol Paşinyan 3 iyunda Geqarkunik bölgəsinin Tsovak kəndində keçirilən kampaniya zamanı açıqlayıb.
"Bəli, mən "Qarabağ Ermənistandır, nöqtə" deyən insanam. Çünki 30 ildir bizi bəslədiyimiz fikrə sadiq idim. Amma mən sonra dürüstcə dedim ki, bu münaqişəni, bu qanayan yaranı gələcək nəsillərə ötürməyə haqqımız yoxdur. Uşaqlarımıza sülhü ötürməliyik.
Mən bu məsələni hər cür araşdırdım və bunun bir sınaq olduğunu gördüm, mən bunun bir tələ olduğunu gördüm. İnsanlara səhv yolla getdiyimizi, "Qarabağ hərəkatına" son qoymalı olduğumuzu və davam etməməli olduğumuzu deyən mən idim.
Bunun sayəsində biz indi əvvəlkindən daha böyük, əvvəlkindən daha müstəqil, əvvəlkindən daha təhlükəsiz və əvvəlkindən daha çiçəklənən bir dövlətik", - deyə Paşinyan bildirib.
Baş nazirin sözlərinə görə, artıq Ermənistan Respublikasında sülh bərqərar olub. "Mən hamınızı bu münasibətlə, bərqərar olan sülh münasibətilə təbrik edirəm. Sərhədlərimizdə iki ildir ki, heç bir itki və ya yaralı olmayıb. Bu, qurbanlarımızın xatirəsinə hörmətin ən böyük təzahürüdür", - deyə kabinet rəhbəri vurğulayıb.
Onun fikrincə, “Qarabağ hərəkatı”nın davam etdirilməsi yalnız yeni itkilərə, yeni müharibələrə və nəticədə Ermənistan dövlətçiliyinin itirilməsinə gətirib çıxaracaq. "Biz azad etdik, mən Ermənistan Respublikasını azad etdim. Mən bunu Ermənistan Respublikasına ən böyük xidmətim hesab edirəm", - deyə Nikol Paşinyan deyib.
Xəzər
“Cebheinfo.az”
Problemlərinizi bizə yazın, şahidi olduğunuz hadisələri çəkib göndərin
Ən son xəbərləri və yenilikləri almaq üçün ain.az saytını izləyin.
