Hondurasda dövlət məktəbləri və səhiyyə müəssisələri müəllimlər, səhiyyə işçilərinin əmək haqqının artırılması, daha yaxşı iş şəraiti tələb edən ümumölkə tətili səbəbindən fəaliyyətini dayandırıb.
"Report" xəbər verir ki, bu barədə "Reuters" məlumat yayıb.
Məlumata görə, müəllimlərin həmkarlar ittifaqları tətilin hökumətin əvvəllər razılaşdırılmış əmək haqqı artımlarını həyata keçirməkdən imtina etməsi ilə bağlı olduğunu bildiriblər. Onların sözlərinə görə, rəsmi vədlərə baxmayaraq, artımlar həyata keçirilməyib.
Tibb işçiləri bir neçə həftədir ki, dövlət xəstəxanalarında ödənilməmiş əmək haqqı, iş yerlərinin təhlükəsizliyinin təmin edilməməsi, ləvazimat və avadanlığın çatışmazlığı ilə bağlı etiraz aksiyaları keçirirlər. Həkimlər səhiyyə sisteminin işində ciddi çətinliklərlə üzləşməsi barədə xəbərdarlıq edirlər.
Agentlik qeyd edib ki, birgə tətil təhsil və səhiyyə sektorlarında daha geniş narazılığı əks etdirir, həmkarlar ittifaqları xroniki maliyyə çatışmazlığının, ödənişlərin gecikdirilməsinin və yerinə yetirilməmiş hökumət vədlərinin işçilərin vəziyyətinin pisləşdiyini və vacib dövlət xidmətləri pozduğunu bildirirlər.
