"Biz Ağdamda elə gəzməliyik ki, şəhidlərin ruhu inciməsin".
Bu fikirləri "Report"a açıqlamasında Ağdam şəhərinə yola salınan keçmiş məcburi köçkün Məmmədova Nuridə səsləndirib.
"Hazırda sevinc, qürur hisləri keçirirəm. Ali Baş Komandan İlham Əliyev bizə hünər və yaşamaq eşqi verdi. Məcburi köçkün düşəndə 25 yaşım var idi, dünən 64 yaşıma keçmişəm. Allah şəhidlərimizə rəhmət eləsin, qazilərimizə cansağlığı versin ki, bu sevinci bizə yaşatdılar. Çox sevincli və həyəcanlı gündür", - deyə o əlavə edib.
