ain.az, Axsham.az portalından verilən məlumatlara əsaslanaraq xəbər verir.
Mütəxəssislər yaxşı yuxu üçün hansı qidaların faydalı, hansılarının isə zərərli olduğunu açıqlayıb.
Axşam.az xəbər verir ki, 2025-ci ildə aparılan araşdırmaya əsasən, orta statistik yetkin insan həftədə cəmi üç gecə keyfiyyətli yuxu yata bilir. Mütəxəssislər isə bildirir ki, düzgün qidalanma rahat və dərin yuxuya kömək edə bilər.
Araşdırmalara görə, “triptofan” adlı amin turşusu yuxu keyfiyyətinə təsir göstərir. Bu maddə orqanizmdə serotonin və melatonin hormonlarının yaranmasında iştirak edir. Toyuq əti, yumurta, süd məhsulları və yulaf triptofanla zəngin qidalar arasında yer alır.
Mütəxəssislər süd və ya yoqurtun yulafla birlikdə qəbul edilməsinin daha faydalı olduğunu vurğulayır. Həmçinin banan, fıstıq yağı və tam taxıllı çörəkdən hazırlanan yüngül qəlyanaltıların da yuxuya müsbət təsir etdiyi bildirilir.
Araşdırmalarda yatmazdan əvvəl iki ədəd kivi yeməyin də yuxu keyfiyyətini artırdığı qeyd olunub. Bunun səbəbi kivinin tərkibində serotonin, C vitamini və B vitaminlərinin çox olmasıdır.
Yatmazdan əvvəl ilıq süd içmək isə illərdir deyilən “klassik məsləhət” olsa da, alimlər bunun həqiqətən də faydalı olduğunu bildirirlər. Belə ki, südün tərkibində az miqdarda melatonin hormonu var.
Çobanyastığı, pişikotu və "passionflower" (çarkıçiçəyi) bitkilərindən hazırlanan “yuxu çayları”nın da stressi azaltdığı və rahat yuxuya kömək etdiyi deyilir. Vişnə suyunun da tərkibində melatonin və antioksidantlar olduğuna görə yuxunu yaxşılaşdırdığı vurğulanıb.
Mütəxəssislər eyni zamanda bəzi qidaların yuxunu pozduğunu da açıqlayıblar. Xüsusilə kofeinli içkilər, şirniyyat və acılı yeməklər yuxu keyfiyyətini aşağı salır. Son araşdırmalara əsasən, yaxşı yatmaq istəyənlər yatmazdan ən azı 9 saat əvvəl qəhvə qəbulunu dayandırmalıdır.
Bundan əlavə, yatmazdan əvvəl ilıq duş qəbul etməyin bədən temperaturunu aşağı saldığı və bunun da orqanizmə “yatmaq vaxtıdır” siqnalı verdiyi bildirilib.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
