WUF13 Bakıda bayraq endirmə mərasimi ilə başa çatıb.
APA xəbər verir ki, Bakıda keçirilən 13-cü Dünya Şəhər Forumu (WUF13) bayraq endirmə mərasimi ilə başa çatıb.
Mərasim forumun rəsmi bağlanışını simvolizə edib və növbəti Dünya Şəhər Forumuna keçidi ifadə edib.
WUF13 çərçivəsində urbanizasiya, adekvat mənzilə çıxış, dayanıqlı şəhərlərin inkişafı, iqlim dəyişiklikləri və şəhər idarəçiliyi ilə bağlı çoxsaylı sessiyalar, nazirlər görüşləri və yüksək səviyyəli müzakirələr keçirilib.
Qeyd edək ki, forum zamanı növbəti Dünya Şəhər Forumunun 2028-ci ildə Meksikanın paytaxtı Mexiko şəhərində keçiriləcəyi açıqlanıb.
