“Müxtəlif rayonlarda aparılan yenidənqurma işləri zamanı mina tələləri və gizlədilmiş partlayıcı qurğular aşkarlanır. Adətən bu cür qurğular insanların onların mövcudluğunu gözləmədiyi ərazilərdə yerləşdirilir ki, bu da təhlükəni daha da artırır”.
Redaktor.az xəbər verir ki, bunu Azərbaycan Republikasının Minatəmizləmə Agentliyinin təşkilatçılığı ilə təşkil olunan “Münaqişədən sonrakı şəhər rekonstruksiyası: Humanitar minatəmizləmənin həlledici rolu” mövzusunda tədbirdə Minatəmizləmə Agentliyinin (ANAMA) İdarə Heyətinin sədr müavini Samir Poladov bildirdi.
Onun sözlərinə görə, 2023-cü ildən sonra Azərbaycanın ərazi bütövlüyünün tam bərpa edildiyi ərazilərdə genişmiqyaslı təmizləmə işləri aparılıb:
“Bu istiqamətdə əldə olunan nəticələrin bir hissəsi təqdim olunan materiallarda da əks etdirilib. Ən çox mina partlayışlarının baş verdiyi ərazilər əsasən keçmiş təmas xətlərinə yaxın zonalar olub”.
Aytəkin TOFİQQIZI
