Ankara Regional Apelyasiya Məhkəməsinin 36-cı Mülki İşlər üzrə Kollegiyası Cümhuriyyət Xalq Partiyasının (CHP) qurultayının nəticələrini "mütləq etibarsız" (mutlak butlan) elan edib.
Publika.az xəbər verir ki, məhkəmənin bu qərarı ilə Özgür Özel və hazırkı partiya rəhbərliyi vəzifədən kənarlaşdırılıb.
Məhkəmə keçmiş sədr Kamal Kılıçdaroğlu və onun komandasının yenidən vəzifələrinə qaytarılması barədə hökm çıxarıb.
Qərardan sonra Kamal Kılıçdaroğlunun vəkili Cəlal Çelik diqqətçəkən açıqlama verib. Vəkil bildirib ki, yenidən vəzifəsinin icrasına qayıtmağa hazır olduğunu bəyan edən Kılıçdaroğlu yaxın vaxtlarda Özgür Özeli telefonla zəng edəcək.
