Rusiya milyarderi Mixail Smirnov Leninqrad vilayətində baş verən yol qəzasında həlak olub.
Musavat.com Rusiya Daxili İşlər Nazirliyinə istinadən xəbər verir ki, Smirnov motosikletlə hərəkətdə olarkən qəzaya düşüb.
Məlumata görə, iş adamı “Triumph” markalı motosikletlə əks istiqamət zolağına çıxaraq “Haval” markalı avtomobillə toqquşub.
Ağır xəsarət alan Smirnov hadisə yerində həyatını itirib.
Smirnov “Baltikyanı Yanacaq Şirkəti”nin həmtəsisçisi və direktorlar şurasının sədri olub. Onun sərvəti təxminən 7,8 milyard rubl qiymətləndirilirdi.
Musavat.com
