“Cənubi Koreyada mayın 12-13-də keçirilən məsləhətləşmələr çərçivəsində tərəflər prinsip etibarilə Ticarət Şurası çərçivəsində hər iki tərəf üçün həcmi 30 milyard dollar və ya daha çox olan məhsullara tətbiq edilən rüsumların qarşılıqlı azaldılması üzrə çərçivə razılaşmalarını müzakirə etməyə razılaşıblar”, — məlumatda deyilir.
Çin Ticarət Nazirliyi qeyd edib ki, “qarşılıqlı maraq doğuran” məhsul nomenklaturasına münasibətdə ən əlverişli rejim prinsipi əsasında və ya daha aşağı tariflərin tətbiqi gözlənilir.
“Bu razılaşmaların həyata keçirilməsi təkcə Çin və ABŞ arasında ikitərəfli ticarətin sabitləşdirilməsi və genişləndirilməsinə kömək etməyəcək, həm də qlobal açıq əməkdaşlıq üçün faydalı nümunə olacaq”, — məlumatda vurğulanıb.
Bildirilib ki, hər iki tərəfin ticarət-iqtisadi nümayəndə heyətləri sıx əlaqələri davam etdirəcək, konkret tədbirləri razılaşdıracaq və onların tezliklə həyata keçirilməsinə yardım göstərəcəklər.
