Axar.az saytından alınan məlumatlara görə, ain.az xəbər verir.
Düşmən Slavyansk istiqaməti boyunca bütün cəbhə xəttində təzyiq göstərməyə davam edir və bu, canlı qüvvə çatışmazlığı səbəbindən müdafiədəki boşluqları əks etdirən ən xaotik sahələrdən biridir.
Axar.az xəbər verir ki, bu barədə “DeepState” analitikləri bildiriblər.
“Düşmən müdafiənin dərinliklərinə sızır, möhkəmlənməyə çalışır və eyni zamanda Ukrayna Müdafiə Qüvvələrinin mövqeləri üçün əlverişsiz vəziyyət yaradır”, — məlumatda deyilir.
Bildirilir ki, həmin istiqamətdə düşmənin pilotsuz aparat operatorları fəal fəaliyyət göstərir, onlar həm mövqelərə, həm də döyüşçülərin logistikasına zərbələr endirirlər ki, bu da müdafiənin aparılmasını çətinləşdirir.
“İlkin məlumata görə, bu istiqamətə artıq bəzi hallarda özünü göstərmiş “Rubikon” bölməsi daxil olmalı idi. Lakin döyüşçülər qeyd edirlər ki, digər rus pilotsuz aparat bölmələri də ciddi problemlər yaradır. Buna görə də hazırda əldə olunan yeni qüvvələrdən öz pilotsuz aparat operatorlarını hazırlayırlar ki, heç olmas,a müəyyən səviyyədə müqavimət göstərə bilsinlər”, — analitiklər qeyd ediblər.
Məlumatda deyilir ki, düşmən Riznikovka və Kaleniki yaşayış məntəqələrinə fəal təzyiq göstərir, orada möhkəmlənməyə çalışır və daha sonra Ukrayna müdafiəsinin dərinliklərinə irəliləyir. Bu isə Ray-Aleksandrovka ərazisində arxa mövqelərə sızma təhlükəsi yaradır.
“Canlı qüvvə çatışmazlığı düşmənə müdafiə xəttindən sızmaq imkanı verir. Zakitnoye yaşayış məntəqəsi uğrunda aktiv döyüşlər gedir”, — məlumatda vurğulanıb.
Ən son xəbərləri və yenilikləri almaq üçün ain.az saytını izləyin.
