Şimal qonşumuzdan belə işlərdə nümunə götürmək məqbuldur...
Dağıdıcı daşqından zərər çəkmiş sakinlərə yardım göstərmək üçün Rusiyanın hakim Vahid Rusiya partiyasının təşəbbüsü ilə Xasavyurt rayonunun Tutlar kəndində yaradılan "Dağıstan sərhədi" könüllülər düşərgəsi açılıb.
Moderator.az bu haqda Dağıstan nəşrlərinə istinadla xəbər verir.
Düşərgənin açılışında və təşkilində Federasiya Şurasının senatoru və Vahid Rusiyanın Fövqəladə Hallar üzrə Könüllü Komissarı İqor Kastyukeviç, "İnsan" Fondunun baş direktoru Maqomed Abdurəhmanov və Xasavyurt rayonunun icraçı rəhbəri Baqautdin Mamayev iştirak ediblər.
Düşərgələrin açılması qərarı hakim partiyanın sədri Dmitri Medvedev və partiya ali şurasının katibi Vladimir Yakuşevin tapşırığı ilə verilib.
İlk növbədə Rusiyanın yeddi bölgəsindən 40-dan çox könüllü iştirak edir. Onlar sakinlərə evlərin bərpasında, zədələnmiş binaların sökülməsində və ödəniş sənədlərinin işlənməsində kömək edirlər.
Daşqınlardan zərər çəkmiş kəndlərdə işlər artıq başlayıb, sakinlər dəstəyi qəbul ediblər və əlavə yardım gözləyirlər. Düşərgə respublikanın digər ərazilərində də fəaliyyətini davam etdirəcək.
P.S. Şimal qonşumuzdan belə işlərdə nümunə götürmək məqbuldur...
S.Laçın
