Futzal: Kubokun final oyununa təyinatlar açıqlandı – ARENA.AZ

Futzal üzrə Azərbaycan Kubokunda 2025/2026-cı illər mövsümünün mayın 21-də keçiriləcək final oyununa təyinatlar açıqlanıb.

Arena.az xəbər verir ki, bu barədə Azərbaycan Futzal Federasiyasının rəsmi saytı məlumat yayıb.

Xəbərdə bildirilir ki, mövsümün yekun görüşünü beynəlxalq dərəcəli hakimlər idarə edəcəklər. AFFA Hakimlər Komitəsi bu oyunu Hikmət Qafarlı, Ramil Namazov və Hidayət Feyzullayevə tapşırıb. Ehtiyat hakim İmran Məhərrəmov olacaq. Hakim-inspektor funksiyasını isə Əfqan Həmzəyev yerinə yetirəcək.

Qeyd edək ki, final qarşılaşması canlı yayımlanacaq. Bakı İdman Sarayında keçiriləcək görüşə saat 16:00-da start veriləcək. Zala giriş biletsiz olacaq.

Azərbaycan Kuboku
Final
21 may

Araz-Naxçıvan – Neftçi İK
Hakimlər: Hikmət Qafarlı, Ramil Namazov, Hidayət Feyzullayev.
Ehtiyat hakim: İmran Məhərrəmov.
Hakim-inspektor: Əfqan Həmzəyev.
Bakı İdman Sarayı. Saat 16:00.