Uğurlu münasibətlərin yalnız fiziki göstəricilərdən asılı olmadığı məlum olsa da, 2002-ci ildə aparılmış tədqiqat maraqlı nəticələr ortaya qoyub.
Boy göstəricisi insanların münasibətlərdə nə qədər xoşbəxt ola biləcəyini müəyyən etməyə kömək edə bilər.
Araşdırma göstərib ki, qısa boylu qadınların xoşbəxt və stabil münasibətlər qurmaq ehtimalı daha yüksəkdir. Maraqlıdır ki, kişilərdə vəziyyət əksinədir — qadınlar daha çox uzunboy kişilərə üstünlük verir.
Tədqiqat Böyük Britaniyada aparılıb. Burada qadınların orta boyu 162,5 santimetr hesab olunur. Boyu 152,4–160 santimetr arasında olan qadınların 42 yaşa qədər daha çox stabil münasibətlərdə olduğu və uşağa sahib olduğu müəyyən edilib.
Eyni nəticələr uzunboy qadınlarda müşahidə olunmayıb.
Qadınlar hansı boyda kişiləri seçir?
Sorğuda iştirak edən qadınların əksəriyyəti “orta göstəricidən daha uzun” kişiləri daha cəlbedici hesab etdiklərini bildiriblər. İdeal boy kimi isə 182,9 santimetr göstərilib.
Mütəxəssislər bunu təkamül nəzəriyyəsi ilə əlaqələndirirlər. 2015-ci ildə aparılmış başqa bir araşdırma göstərib ki, qədim dövrlərdə uzunboy insanlar daha güclü və qoruyucu hesab olunurdu. Bu səbəbdən qadınların uzunboy kişilərə üstünlük verməsi instinktiv xüsusiyyət kimi qiymətləndirilir.
Qısa boylu qadınlar niyə daha cəlbedici hesab olunur?
Araşdırmaya rəhbərlik edən professor Daniel Nettle bildirib ki, kişilər tarixən məhsuldarlıq və reproduktiv potensialla əlaqələndirilən xüsusiyyətlərə daha çox meyl göstəriblər.
Onun sözlərinə görə, qısa boylu qadınlar adətən daha erkən cinsi yetkinliyə çatdığı üçün təkamül baxımından daha uyğun partnyor kimi qəbul olunmuş ola bilər.
Bununla belə, alim vurğulayıb ki, qısa boyun yüksək məhsuldarlıqla birbaşa əlaqəsi sübut olunmayıb.
Araşdırmalar bir-birinə zidd nəticələr də göstərir
Məqalədə qeyd olunur ki, bütün elmi işlər eyni nəticəyə gəlmir. Bəzi tədqiqatlarda kişilərin daha çox uzunboy və ya orta boylu qadınları seçdiyi göstərilib.
Mütəxəssislər hesab edirlər ki, uzunboy insanların daha sağlam, daha imkanlı və daha yaxşı təhsil almış olması da seçimlərə təsir edə bilər.
Bununla yanaşı, alimlər yekun olaraq bildirirlər ki, münasibətlərin uğuru yalnız xarici görünüşdən asılı deyil. Xarakter, uyğunluq və qarşılıqlı anlaşma daha vacib rol oynayır.//Demokrat.az
