Futbol üzrə Ukrayna millisində baş məşqçi təyinatı reallaşıb.
Fanat.Az Ukrayna Futbol Assosiasiyasına (UAF) istinadən xəbər verir ki, sözügedən yığma italiyalı mütəxəssis Andrea Malderaya tapşırılıb.
54 yaşlı çalışdırıcı 2+1 illik müqaviləyə imza atıb. O, Ukrayna millisinin tarixinə ilk əcnəbi baş məşqçi kimi düşüb.
Maldera karyerası ərzində İtaliyanın "Milan", İngiltərənin "Brayton" və Fransanın "Marsel" klublarında, həmçinin 2016-2021-ci illərdə Ukrayna millisinə rəhbərlik etmiş Andrey Şevçenkonun məşqçilər korpusunda köməkçi kimi fəaliyyət göstərib.
