Qol.az portalından verilən məlumata əsasən, ain.az bildirir.
Mourinyo yenidən “Real”da - 2 illik müqavilə
Portuqaliyalı mütəxəssis Joze Mourinyo Madrid “Real”ının yeni baş məşqçisi təyin olunur.
QOL.az xəbər verir ki, bu barədə tanınmış insayder Fabrizio Romano sosial şəbəkə hesabında məlumat yayıb. Bildirilir ki, tərəflər 2028-ci ilin yayına qədər nəzərdə tutulan müqavilə imzalayacaq və razılaşma tam yekunlaşıb.
Məlumata görə, Madrid klubu Mourinyonun hazırkı komandası “Benfika”ya müqaviləyə vaxtından əvvəl xitam verilməsi üçün 6 milyon avro təzminat ödəyəcək.
Daha əvvəl yayılan xəbərlərdə portuqaliyalı mütəxəssisin “kral klubu”nda transfer qərarlarında da söz sahibi olacağı bildirilirdi.
Qeyd edək ki, Joze Mourinyo daha əvvəl 2010-2013-cü illərdə də Madrid “Real”ını çalışdırıb. Onun rəhbərliyi altında komanda İspaniya çempionluğu, ölkə kuboku və Superkubokunu qazanıb.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
