BMT İnkişaf Proqramının (UNDP) yeni hesabatına görə, Əfqanıstanda yoxsulluq daha da dərinləşir və 2025-ci ildə təxminən 28 milyon insan – əhalinin dörddə üçü – əsas ehtiyaclarını qarşılaya bilmir. Kiçik iqtisadi artım isə sürətli əhali artımı və digər problemləri kompensasiya edə bilmir.
QHT.az xarici mediaya istinadən bildirir ki, 2025-ci ildə 2,9 milyon insanın ölkəyə qayıtması sosial və iqtisadi təzyiqləri artırıb. Ümumilikdə, 2023–2025-ci illərdə 5 milyona yaxın insanın geri dönməsi vəziyyəti daha da ağırlaşdırıb. Qayıdanların böyük hissəsi işsizlik və yoxsulluqla üzləşir.
Hesabatda həmçinin adambaşına gəlirin azalması, ticarət kəsirinin artması, quraqlıq və humanitar yardımın azalması kimi faktorların böhranı dərinləşdirdiyi bildirilir.
