“Lion” baş məşqçisi Paulo Fonseka icarə əsasında komandada çıxış edən hücumçu Endrikin gələcəyi ilə bağlı fikirlərini bölüşüb.
90deqiqe.Az xəbər verir ki, Fonseka bildirib ki, Endrikin “Lion”da qalması çətin görünür:
“Endrikin burada, ‘Lion’da qalması çətin olacaq. ‘Real Madrid’ onu mütləq geri qaytarmaq istəyəcək. Bu normaldır. Onun burada göstərdiyi çıxışlardan sonra o, ‘Real Madrid’ səviyyəsində futbolçu olduğunu sübut edib”, - deyə mütəxəssis mətbuat konfransında bildirib.
Braziliyalı futbolçu hazırda "Real Madrid"dən icarə əsasında Fransa təmsilçisində çıxış edir.Cari mövsümdə Endrik bütün turnirlərdə 20 oyuna çıxaraq 8 qol vurub və 8 məhsuldar ötürmə edib. Onun “Real Madrid” ilə müqaviləsi 2030-cu il iyunun 30-na qədər qüvvədədir.
