Almaniyanın Raynland-Pfalts əyalətinin Limburgerhof şəhərində kiçik təyyarənin qəzaya uğraması nəticəsində iki nəfər həlak olub.
“İki sahil” “Bild” qəzetinə istinadla xəbər verir ki, hadisə nəticəsində bir nəfər də ağır xəsarət alıb.
Təyyarənin havada partladığı ehtimal edilir. Hadisə şahidləri təyyarənin qalıqlarının yaşayış sahəsinə dağıldığını bildiriblər.
Qəza ilə bağlı araşdırma aparılır.
