Pekində keçirilən görüş zamanı ABŞ prezidenti Donald Tramp maraqlı hərəkəti ilə diqqət mərkəzinə düşüb.
Musavat.com xəbər verir ki, Çin lideri Si Cinpin yerindən qısa müddətlik uzaqlaşarkən, Trampın onun şəxsi qeyd dəftərinə baxdığı anlar kameraların obyektivinə tuş gəlib.
Görüş çərçivəsində Tramp həmkarını "möhtəşəm lider", Çin ilə münasibətləri isə "fantastik" adlandırıb.
O, aparılan danışıqları yüksək qiymətləndirərək müzakirələrin "çox yaxşı" keçdiyini vurğulayıb.
Çin lideri isə öz növbəsində Pekin və Vaşinqtonun ortaq maraqlarının mövcud fikir ayrılıqlarından daha üstün olduğunu qeyd edib. Si Cinpin "sabit Çin-Amerika münasibətlərinin dünya üçün faydalı olduğunu" bildirib.
Musavat.com
