Dünyanın ən qaynar su yollarından biri olan Hörmüz boğazında gərginliyi azaldan mühüm hadisə baş verib.
Musavat.com xəbər verir ki, Yaponiyanın "Eneos" şirkəti tərəfindən idarə olunan və Panama bayrağı altında üzən neft tankeri Hörmüz boğazından maneəsiz keçərək təhlükəsiz sulara daxil olub. Bu, bölgədəki müharibə şəraiti səbəbindən dəniz daşımaları iflic olduqdan sonra boğazı keçməyə nail olan Yaponiyaya bağlı ikinci gəmidir.
Bu strateji keçidin pərdəarxası məqamları da bəlli olub. Yaponiya Baş naziri Sanae Takaiti bəyan edib ki, gəminin keçidinə icazə verilməsi üçün şəxsən İran Prezidenti Məsud Pezeşkiana müraciət edib. Birbaşa aparılan yüksək səviyyəli danışıqlar nəticəsində göyərtəsində dörd yapon ekipaj üzvü olan tankerin təhlükəsizliyi təmin edilib. Hadisə Yaponiyanın Yaxın Şərqdəki neft maraqlarını qorumaq üçün effektiv vasitəçilik qabiliyyətini nümayiş etdirir. Hazırda gəminin hərəkəti və dənizçilərin vəziyyəti Yaponiya hökuməti tərəfindən ciddi nəzarətdə saxlanılır. Hörmüz boğazındakı bu uğurlu naviqasiya digər beynəlxalq gəmiçilik şirkətləri üçün də ümidverici addım kimi qiymətləndirilir.
Musavat.com
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
