Dünən ABŞ prezidenti Donald Tramp Hörmüz boğazı üçün nəzərdə tutulan “Azadlıq Layihəsi”nin dayandırılmasının səbəbi ilə bağlı jurnalistin sualını cavablandırıb.
Müxbirin “Layihə niyə dayandırıldı?” sualına Tramp belə cavab verib:
“Çünki Pakistandakı gözəl rəhbərlik bizdən bunu etməməyimizi istədi”.
Qeyd edək ki, bundan əvvəl NBC News telekanalı layihənin dayandırılmasının əsas səbəbi kimi Səudiyyə Ərəbistanının ABŞ hərbi qüvvələrinin əməliyyatda istifadə edə biləcəyi hava məkanı və bazalara çıxışı məhdudlaşdırmasını göstərmişdi.
NBC News-un məlumatına görə, “Azadlıq Layihəsi” Körfəz ölkələri arasında narazılıq yaratmış və layihənin icrasını faktiki olaraq mümkünsüz etmişdi.
