“Bakı Metropolitenində baş verən texniki insidentlə əlaqədar texniki araşdırma və bir sıra texniki xarakterli tədbirlərin görülməsi davam etdirilir”.
Bu barədə Bizim.Media-nın sorğusuna "Bakı Metropoliteni"dən məlumat verilib.
Bildirilib ki, görülən tədbirlərə uyğun olaraq, Bakı Metropolitenində hərəkət qrafikinin həmişəki qaydada fəaliyyəti və mərhələli şəkildə tənzimlənməsi təmin olunacaq.
Qeyd edək ki, Bakı Metropoliteni xətlərində saat 12:00-dan etibarən 28 cüt qatar fəaliyyət göstərir.
Xatırladaq ki, dünən saat 12:10 radələrində "Ulduz–Nərimanov" mənzilində təmas relsinə yüksək gərginliyin verilməsində nasazlıq yaranıb. Bu səbəbdən "Bakı Metropoliteni" QSC-nin bütün stansiyalarında sərnişinlərin girişinə müvəqqəti məhdudiyyət tətbiq edilib.
Aprelin 22-də isə günün əsas sərnişin axını saatlarında "28 May-Əhmədli" sahəsində qatarlararası interval 2,5 dəqiqə təşkil edib, "Bakmil" istiqamətində isə şənbə günü qrafikindən istifadə olunub.
Naibə Məmmədova, Bizim.Media
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
