Amerika qüvvələrinin İran gəmilərinə qarşı təhdidləri və Vaşinqtonun Tehrana qarşı məntiqsiz tələbləri ABŞ-nin Fars körfəzindəki vəziyyətin həllinə ciddi yanaşmadığını təsdiqləyir.
Yeniavaz.com xəbər verir ki, bunu İranın xarici işlər naziri Abbas Əraqçi Pakistanın xarici işlər naziri İshaq Darla telefon danışığı zamanı bildirib.
Əraqçi qeyd edib ki, onun fikrincə, ABŞ-nin ziddiyyətli mövqeyi və atəşkəs rejimini pozması onun regional həllə sadiq olmadığını nümayiş etdirir.
İranın xarici işlər naziri ölkəsinin maraqlarını və milli təhlükəsizliyini qorumaq üçün bütün mövcud vasitələrdən istifadə edəcəyini əlavə edib.