İranın sülh danışıqlarında iştirak edən rəsmi şəxslər bildirib ki, ABŞ ilə aparılan son danışıqlarda müəyyən irəliləyiş əldə edilsə də, nüvə məsələləri və Hörmüz boğazı ilə bağlı fikir ayrılıqları hələ də qalmaqdadır.
Reuters-in məlumatına görə, ABŞ prezidenti Donald Tramp isə Tehranla “çox yaxşı danışıqlar” getdiyini qeyd edib.
Danışıqların vəziyyəti ilə bağlı konkret detallar açıqlanmayıb. Bu isə ABŞ-İsrail və İran arasında davam edən müharibə çərçivəsində elan olunmuş həssas atəşkəsin başa çatmasına bir neçə gün qaldığı bir vaxta təsadüf edir.
İranın strateji əhəmiyyətli boğazla bağlı mövqeyində dəyişiklik olduğu qeyd edilir.
“İrəliləyiş əldə olunub, lakin tərəflər arasında hələ də ciddi fikir ayrılığı qalır,” – bunu İran parlamentinin rəhbəri Məhəmməd Baqir Qalibaf deyib. “Elə məsələlər var ki, biz onlarda israrlıyıq. Onların da qırmızı xətləri mövcuddur. Amma bu fikir ayrılıqları cəmi bir və ya iki məsələ ilə bağlıdır.”
