İran ölkənin cənub sahilində yeni şəhər inşa edəcək.
Publika.az xəbər verir ki, İRİB məlumat yayıb.
Bildirilib ki, Makran-e Mərkəzi adlandırılacaq bu şəhər Hörmüzqan əyalətində, Fars körfəzi sahilində salınacaq.
Qeyd edilib ki, Ali Şəhərsalma Şurası artıq layihənin texniki-iqtisadi əsaslandırmasını, yerini və baş planını təsdiqləyib. Yeni nəsil şəhər dəniz iqtisadiyyatı və enerji istehsalına yönələcək. O, Abkuhi və Kalirak yaşayış məntəqələrinin yaxınlığında tikiləcək.
