Bakı, 17 aprel, AZƏRTAC
Futzal üzrə Azərbaycan millisinin və “Araz-Naxçıvan”ın 41 yaşlı qapıçısı Emin Kürdov karyerasını bitirmək niyyətində deyil.
Bu barədə AZƏRTAC-a təcrübəli qolkiperin özü məlumat verib.
O, təcrübəsi ilə Azərbaycan millisinə kömək etmək istədiyini bildirib: “Federasiya mənə güvənir. Buna görə də karyeramı bitirmək istəmirəm. Nə vaxt görsəm ki, alınmır, onda gedəcəyəm”.
Qeyd edək ki, Emin Kürdov 2004-cü ildən Azərbaycan millisinin formasını geyinir.
