Papa XIV Leo Afrika turu çərçivəsində ziyarət etdiyi Kamerunda müharibələrə milyardlarla dollar xərcləyən liderləri kəskin şəkildə tənqid edib.
AFN.az xəbər verir ki, dünyanın bir ovuc zorba tərəfindən xaraba qoyulduğunu deyən Papa sülh çağırışını yenidən səsləndirib.
Papanın bu açıqlamaları ABŞ Prezidenti Donald Tramp ilə yaşadığı gərginlikdən sonraya təsadüf edir. Belə ki, Tramp bu yaxınlarda sosial media vasitəsilə Papanı hədəf alaraq, onu cinayət mövzusunda zəif və xarici siyasətdə dəhşətli biri kimi xarakterizə etmişdi.
Kamerunun münaqişələrdən zərər görmüş Bamenda şəhərində çıxış edən Papa ad çəkmədən Tramp rəhbərliyinə və müharibəyönümlü siyasətlərə eyham vuraraq, müharibə tərəfdarlarının dağıtmağın bir an çəkdiyini, lakin yenidən qurmaq üçün bəzən bir ömrün belə kifayət etmədiyini bilmədiklərini söyləyib.
Liderlərin təhsil və səhiyyə kimi təməl ehtiyaclara vəsait tapmazkən silahlara milyardlarla dollar axıtmasını pisləyən ruhani lider, öz maraqları üçün Tanrının adından istifadə edənlərin yoxsul xalqların resurslarını silahlara yatıraraq ölüm dönüşünü daimi etdiklərini bildirib. Qeyd edək ki, Papa ilə Tramp arasındakı gərginliyin mərkəzində ABŞ və İsrailin İrana yönəlik hərbi əməliyyatları dayanır.
Keçən il seçilən və tarixin ilk ABŞ doğumlu papası olan Çikaqo mənşəli Leo, Trampın immiqrasiya və müharibə siyasətinə qarşı ən kəskin müxaliflərdən biri kimi tanınır. Tramp isə öz növbəsində Papanın məhz özü Ağ Evdə olduğu üçün siyasi gediş olaraq bu məqama seçildiyini iddia etmişdi. Kamerundakı çıxışında korrupsiyaya da toxunan Papa sülhün yalnız korrupsiyanın kökünün kəsilməsi ilə mümkün olacağını vurğulayıb.
Papanın 4 ölkəni və 11 şəhəri əhatə edən genişmiqyaslı Afrika turu qitədəki 288 milyondan çox katolik üçün tarixi əhəmiyyət kəsb edir.
