ain.az bildirir, Marja.az saytına əsaslanaraq.
Beynəlxalq Enerji Agentliyinin (International Energy Agency) rəhbəri Fatih Birol "Associated Press" agentliyinə verdiyi müsahibəsində Hörmüz boğazından neft, təbii qaz və digər həyati əhəmiyyətli resursların axınının dayanması nəticəsində yaranan və onun sözlərinə görə “indiyə qədər qarşılaşılan ən böyük enerji böhranı” olan vəziyyətin qlobal təsirləri barədə düşündürücü mənzərəni təsvir edib.
Marja xəbər verir ki, Birol bildirib: “Vəziyyət çox ağırdır və qlobal iqtisadiyyat üçün böyük nəticələr doğuracaq. Bu vəziyyət nə qədər uzun davam etsə, dünya üzrə iqtisadi artım və inflyasiya üçün bir o qədər pis olacaq”.
VTB-də minimal faiz dərəcəsi ilə nağd kredit 9.9%-dən
Birol əlavə edib ki, bunun təsiri “daha yüksək benzin qiymətləri, daha yüksək təbii qaz qiymətləri və daha yüksək elektrik enerjisi tarifləri” şəklində özünü göstərəcək və dünyanın bəzi bölgələri digərlərindən daha çox zərər görəcək.
“Ən ön sırada Yaxın Şərqdən enerji asılılığı olan Asiya ölkələri dayanır”, – deyən Birol, Yaponiya, Cənubi Koreya, Hindistan, Çin, Pakistan və Banqladeşi qeyd edib.
Birol bildirib: “Növbə Avropa və Amerikaya da çatacaq. Əgər Hörmüz boğazı yenidən açılmasa, yaxın zamanda Avropada A şəhərindən B şəhərinə həyata keçirilən bəzi uçuşların aviasiya yanacağı çatışmazlığı səbəbindən ləğv olunduğu barədə xəbərlər eşidəcəyimizi deyə bilərəm”.
İş elanları AzVak.az-da
Ən son xəbərləri və yenilikləri almaq üçün ain.az saytını izləyin.
