İran uranın zənginləşdirilməsi səviyyəsi və metodlarını ABŞ ilə müzakirə etməyə hazırdır.
Adalet.az xəbər verir ki, bu barədə İran Xarici İşlər Nazirliyinin sözçüsü İsmail Bəqayi bildirib.
XİN rəsmisi qeyd edib ki, İranın nüvə proqramı Vaşinqtonla danışıqlarda əsas mübahisəli məsələdir və bu, müzakirə olunmağa davam edəcək: "Zənginləşdirmə metodları və səviyyələri ilə bağlı dialoqa başlamağa hazır olduğumuzu həmişə açıq şəkildə bildirmişik. Bununla belə, qeyd etmişik ki, İran öz ehtiyaclarına əsasən uranı zənginləşdirmək qabiliyyətinə malik olmalıdır".
