Sağlamlığımıza qovuşmaq üçün qəbul etdiyimiz dərmanlar, bəzi qidalarla birlikdə qəbul edildikdə fayda vermək əvəzinə ciddi fəsadlara yol aça bilər.
Pravda.az həmin qidaları təqdim edir:
Qreypfrut şirəsi: Xüsusilə xolesterin, təzyiq və yuxu dərmanları ilə birlikdə qəbulu qətiyyən tövsiyə edilmir. Qreypfrut dərmanın orqanizmdə parçalanmasını ləngidərək zəhərlənmə riskini artırır.
Süd və süd məhsulları: Antibiotiklərin tərkibindəki aktiv maddələrin bədən tərəfindən sorulmasını çətinləşdirir. Bu isə müalicənin təsirini azaldır.
Yaşıl yarpaqlı tərəvəzlər: İspanaq, kələm və brokoli kimi K vitamini ilə zəngin qidalar qan durulducu dərmanların təsirini neytrallaşdıra bilər.
Tiramin tərkibli qidalar: Köhnəlmiş pendir, hisə verilmiş ət və bəzi turşular depressiya əleyhinə dərmanlarla birlikdə qəbul edildikdə qan təzyiqinin qəfil yüksəlməsinə səbəb olur.
Lifli qidalar: Diabet və ürək dərmanlarının sorulma sürətini dəyişdirə bilər.
Dərmanların effektivliyini itirməməsi və yan təsirlərdən qorunmaq üçün onları adətən bol su ilə qəbul etmək və istifadə təlimatını mütləq oxumaq lazımdır.
Qeyd: Hər hansı bir pəhrizə başlamazdan və ya dərman qəbul etməzdən əvvəl mütləq həkiminizlə məsləhətləşin.
Əminə Bayramova
