London, 15 aprel, AZƏRTAC
Böyük Britaniyanın Baş naziri Kir Starmer İran ətrafında yaranmış gərginlik fonunda ölkəsinin müharibəyə cəlb olunmayacağını bəyan edib.
AZƏRTAC xəbər verir ki, Kir Starmer ABŞ-dən gələn mümkün təzyiqlərə baxmayaraq mövqeyini dəyişməyəcəyini bildirib: “Mən fikrimi dəyişməyəcəyəm və təzyiqlərə boyun əyməyəcəyəm. Böyük Britaniya bu müharibəyə sürüklənməyəcək”.
Baş nazir çıxışında Kral Çarlzın ABŞ-yə səfəri ilə bağlı sualları da cavablandırıb. O qeyd edib ki, səfərin məqsədi bu ölkənin müstəqilliyinin 250 illiyini qeyd etmək və Böyük Britaniya ilə ABŞ arasındakı münasibətləri vurğulamaqdır.
Aytən Abbaslı
AZƏRTAC-ın xüsusi müxbiri
London
