Müəllif: Tamara Mustafayeva, Banco.az
BVF Türkiyənin iqtisadi artım proqnozunu aşağı salıb.
Banco.az xəbər verir ki, Beynəlxalq Valyuta Fondunun 2026-cı ilin aprel ayında yayımladığı Dünya İqtisadi Perspektivlər hesabatında Türkiyə iqtisadiyyatı ilə bağlı qiymətləndirmələr təqdim olunmuş və 2026-cı il üzrə iqtisadi artım proqnozunun aşağı istiqamətdə yenidən nəzərdən keçirildiyi vurğulanmışdır.
Buna əsasən, Türkiyə üçün 2026-cı il üzrə iqtisadi artım gözləntisi 3,4 faizə endirilmişdir. Bu dəyişiklikdə 2025-ci ildə iqtisadi artımın gözləntilərdən aşağı olması, eləcə də neft və təbii qaz qiymətlərinin artmasının iqtisadi fəallıq üzərində yaratdığı təzyiq mühüm rol oynamışdır.
Hesabata görə, Türkiyə iqtisadiyyatı 2027-ci ildə 3,5 faiz artım nümayiş etdirəcək. İnflyasiya göstəricilərinə gəldikdə isə yüksək səviyyələr diqqət çəkir. 2025-ci ildə 34,9 faiz səviyyəsində olduğu ehtimal edilən istehlak qiymətlərinin artımı 2026-cı ildə 28,6 faizə, 2027-ci ildə isə 21,4 faizə qədər azalacaq.
Cari əməliyyatlar balansı 2025-ci ildə ÜDM-in 1,9 faizi həcmində kəsirlə müşahidə olunarkən, 2026-cı ildə bu göstəricinin 2,8 faiz, 2027-ci ildə isə 2,5 faiz səviyyəsində qalacağı proqnozlaşdırılır. İşsizlik səviyyəsinin isə 2025 və 2026-cı illərdə 8,3 faiz, 2027-ci ildə isə 8,7 faiz olacağı gözlənilir.
Bizi sosial şəbəkələrdən izləyin!!
