ABŞ Prezidenti Donald Trampın bu pyalaşımları utancvericidir və bu hərəkətlərinə görə məsuliyyətə cəlb olunmalıdır.
Ölkə.az xəbər verir ki, bunu ABŞ-ın keçmiş dövlət katibi Hillari Klinton deyib.
"Xüsusilə də Amerika prezidentinin sözlərinin real nəticələri var. Trampın son bir həftə sosial mediada etdiyi dəlicəsinə qəzəblərə baxsanız, bu, sadəcə rüsvayçılıqdır. Belə rüsvayçı bir prezidentimizin olması məni iyrəndirir", - deyə o qeyd edib.
Bu hərəkətinə görə Trampın məsuliyyətə cəlb olunmasını qeyd edən Klinton deyib: “Liderləri məsuliyyətə cəlb etməliyik ki, onlar avtokrat və diktator olmasınlar və bizi ehtiyatsız müharibələrə sürüklədiklərinə görə məsuliyyət daşısınlar".
ABŞ-İran danışıqlarına toxunan Hillari Klinton deyib ki, hazırda ABŞ İranla danışıqlarda çox zəif mövqedədir və bundan narahatam. “Beləliklə, indi zəifləmiş bir vəziyyətdəyik, burada bir vaxtlar sahib olduğumuz təsir gücü və təşəbbüsü itirmişik. Mən iyun ayında Trampın nüvə obyektlərini bombalamasını dəstəklədim. Bunun uyğun və məhdud strateji məqsəd olduğuna inanırdım. Amma mən onun İrana qarşı anlaşılmaz hücumuna qarşı çıxdım”, - deyə o qeyd edib.
İsrailin ABŞ-ı İrana müharibəyə sürüklədiyini qeyd edən Klintonun sözlərinə görə, mən şəxsi təcrübəmdən bilirəm ki, Netanyahu əvvəlki Amerika prezidentlərini İranla qeyri-müəyyən müharibəyə razı salmağa necə çalışıb.
Mürtəza
