"Bornmut"un gənc hücumçusu Eli Krupi Premyer Liqa nəhənglərinin diqqət mərkəzinə düşüb.
QOL.az xəbər verir ki, "Caught Offside" nəşrinin məlumatına görə, 19 yaşlı futbolçu üçün "Liverpul" və "Çelsi"nin yay transfer pəncərəsində mübarizə aparacağı gözlənilir. Klubun isə oyunçu üçün təxminən 60 milyon funt sterlinq tələb edəcəyi bildirilir.
Qeyd edək ki, Krupi bu mövsüm 27 oyunda 10 qol vurub, həmçinin "Arsenal" və "Mançester Yunayted"ə qarşı son matçlarda fərqlənməyi bacarıb. O, eyni zamanda Premyer Liqada debüt mövsümündə 10-dan çox qol ilə fərqlənməyə nail olan gənc oyunçulardan biridir.
