İran İslam Respublikası ABŞ ilə planlaşdırılan sülh danışıqlarına başlamazdan əvvəl Vaşinqton qarşısında iki mühüm şərt qoyub.
Bu barədə İran Parlamentinin sədri Məhəmməd Baqer Qalibaf “X” hesabında paylaşım edib.
Qalibaf bildirib ki, danışıqlar mərhələsinə keçid üçün Livanda hərbi əməliyyatların dayandırılması və İranın dondurulmuş aktivlərinin sərbəst buraxılması mütləqdir:
“Tərəflərin qarşılıqlı razılaşdırdığı iki məsələ hələ də həyata keçirilməyib: Livanda atəşkəs və danışıqlara keçməzdən əvvəl aktivlərin azad edilməsi. Bu iki məsələ danışıqlardan əvvəl həll edilməlidir”.
Xatırladaq ki, aprelin 11-də İslamabadda keçirilməsi planlaşdırılan görüş regionun gələcək taleyi üçün həlledici xarakter daşıyır. Lakin Livan cəbhəsindəki gərginlik bu tarixi fürsəti hələ də sual altında qoyur.
"Cebheinfo.az"
