Qazaxda yol nəqliyyat qəzası piyadanın ölümü ilə nəticələnib.
Bizim.Media-nın yerli bürosunun məlumatına görə, hadisə Qazax şəhəri, Səməd Vurğun küçəsində baş verib.
2000-ci il təvəllüdlü Anar Kazımov idarə etdiyi özünə məxsus "BMW" markalı avtomobillə həmin küçədə hərəkətdə olan zaman yolu qarşı tərəfə keçən piyada, 1952-ci il təvəllüdlü İsmayılov Faiq Məcid oğlunu vurub.
Piyada aldığı xəsarətlərdən hadisə yerində dünyasını dəyişib.
Faktla bağlı araşdırma aparılır.
Məqsəd Rəhimov, Bizim.Media, Qərb bürosu
