Bu gün Misli Premyer Liqasında 27-ci tur start götürür.
Fanat.Az xəbər verir ki, turun açılış oyunu Yevlaxda baş tutacaq.
"Karvan-Yevlax" doğma meydanda "Kəpəz"i sınağa çəkəcək. Saat 15:30-da başlayacaq matç Nicat İsmayıllıya həvalə olunub.
Autsayder mövqeyində qərarlaşan Fizuli Məmmədovun komandası eyni arenadan yararlanan gəncəliləri yenə bilməsə, elitada qala bilməyəcəyi böyük ölçüdə dəqiqləşəcək.
Tərəflər arasında ilk dövrədəki görüşdən "Karvan-Yevlax" 3:2, ikinci dövrədə isə "Kəpəz" 2:1 hesablı qələbə qazanıb. Başqa szölə, üçüncü duel birinin digəri üzərində üstünlük əldə etməsi üçün də fürsət ola bilər.
Qeyd edək ki, turun qalan oyunları 11-12 apreldə keçiriləcək.
Misli Premyer Liqa
27-ci tur
10 aprel
15:30. "Karvan-Yevlax" – "Kəpəz"
Hakimlər: Nicat İsmayıllı, Zeynal Zeynalov, Gülnurə Əkbərzadə, Ruslan Quliyev.
VAR: Emin Əliyev, Elçin Məsiyev.
Hakim-inspektor: Ramil Diniyev.
AFFA nümayəndəsi: Novruz Əzimov.
Yevlax şəhər stadionu.
