ain.az bildirir, Azertag portalına istinadən.
Berlin, 8 aprel, AZƏRTAC
ABŞ və İran arasında ikihəftəlik atəşkəsin elan olunması və Hörmüz boğazının açılmasına dair yaranan ümidlər dünyanın digər bölgələrində olduğu kimi, Almaniyanın da fond bazarının canlanmasına səbəb olub.
AZƏRTAC xəbər verir ki, Almaniyanın əsas fond indeksi DAX 4,9 faiz artaraq 24,033 bəndə yüksəlib.
Qeyd edək ki, Hörmüz boğazı vasitəsilə neft və qaz tədarükünün bərpasına dair ümidlər dünyada səhm bazarlarını canlandırıb. İranın xarici işlər naziri Abbas Əraqçının atəşkəs müddətində Hörmüz boğazının açıq olacağı barədə açıqlaması neft və qaz tədarükünün asanlaşacağına ümidləri artırıb. Nəticədə neftin qiymətləri sürətlə aşağı düşüb, bir sıra regionlarda investorların riskə meyli nəzərəçarpacaq dərəcədə artıb və birja indeksləri yüksəlişə keçib.
Elvin Mövsüm
AZƏRTAC-ın xüsusi müxbiri
Berlin
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
