Şimali Koreyanın Şərq Dənizinə (Yapon dənizi) naməlum raket buraxdığı bildirilib.
Aznews.az xəbər verir ki, bu barədə Cənubi Koreyanın Birgə Qərargah Rəislərinə istinadən “Yonhap” agentliyi məlumat yayıb.
Bildirilib ki, raket buraxılışı səhər saatlarında həyata keçirilib və onun tipi hələlik müəyyən edilməyib.
Qeyd edək ki, bir gün əvvəl də Şimali Koreya Pxenyan bölgəsindən naməlum raket buraxmış, lakin buraxılışın uğursuz olduğu və raketin qısa müddət sonra yoxa çıxdığı bildirilmişdi.
