Taybeydəki hazırkı administrasiya Tayvan iqtisadiyyatını ABŞ-la yaxınlaşmaq naminə materik Çindən ayırmağa çalışır.
AFN.az yerli mediaya istinadən xəbər verir ki, bu barədə ÇXR Dövlət Şurası yanında Tayvan işləri üzrə dəftərxananın rəsmi nümayəndəsi Çju Fenlyan bildirib.
"Tayvan administrasiyası öz partiya siyasi maraqlarını rəhbər tutaraq, daim adanın iqtisadiyyatını materik Çindən ayırmağa cəhd edir ki, bu da sahə maraqlarına və xalqın rifahına ziyan vurur", — deyə o, Tayvanın Çin iqtisadiyyatına investisiyalarının azalmasını və Taybeyin qlobal tədarük zəncirlərinin təhlükəsizliyi naminə ABŞ-la ticarət əməkdaşlığını artırmaq səylərini şərh edərkən qeyd edib.
Rəsmi nümayəndənin sözlərinə görə, Tayvan administrasiyası rəhbərliyinin guya sabitliyi qorumaq naminə Birləşmiş Ştatlarla əməkdaşlığı dərinləşdirmək barədə səs-küylü bəyanatları əslində onların müstəqilliyə nail olmaq üçün Tayvanı ABŞ-a satmaqdan və heç bir vasitədən çəkinməmələrinin daha bir sübutudur.
Çju Fenlyan əmin olduğunu bildirib ki, bu cür cəhdlər xalq tərəfindən dəstəklənmir və uğurla nəticələnməyəcək.
