ain.az, Olke.az portalına istinadən məlumatı açıqlayır.
Beynəlxalq Valyuta Fondunun (MVF) rəhbəri Kristalina Georgiyeva xəbərdarlıq edib ki, Yaxın Şərqdəki münaqişə qiymətlərin artmasına və qlobal iqtisadi artımın ləngiməsinə səbəb olacaq.
Ölkə.Az xəbər verir ki, o bu barədə "Reuters" agentliyinə müsahibəsində bildirib.
"Hazırda hər şey qiymətlərin artacağına, iqtisadiyyatın isə ləngiyəcəyinə doğru gedir", – deyə Kristalina Georgiyeva qeyd edib.
Onun sözlərinə görə, dünya üzrə neft tədarükü 13% azalıb ki, bu da enerji daşıyıcıları bazarlarına və gübrələr də daxil olmaqla digər mallara zərbə vurub.
Aprelin 14-də MVF 2026–2027-ci illər üçün dünya ÜDM-i (Ümumi Daxili Məhsul) üzrə yeni proqnozunu təqdim edəcək. Fond ilkin olaraq iqtisadiyyatın 2026-cı ildə 3,3%, 2027-ci ildə isə 3,2% artacağını gözləyirdi, lakin hazırda bu göstəricilər aşağı doğru yenidən nəzərdən keçirilə bilər.
Georgiyeva vurğulayıb ki, hətta münaqişə tezliklə başa çatsa belə, bu, artım proqnozunun "nisbətən az" azalmasına və inflyasiyanın yüksəlməsinə gətirib çıxaracaq. Müharibə uzanacağı təqdirdə isə nəticələr daha ağır olacaq.
Sonrakı hadisələr barədə daha çox məlumat almaq üçün ain.az saytını izləyin.
