Azərbaycan Kubokunda 1/2 final mərhələsinin ilk oyunları çərçivəsində baş tutan "Turan Tovuz" - "Zirə" matçındakı qərarları ilə narazılığa səbəb olan Əliyar Ağayevlə Cavid Cəlilov cəzalanıblar.
Fanat.Az-ın əldə etdiyi məlumata görə, Sumqayıtdakı görüşün həm baş hakimi olmuş FİFA referisi, həm də VAR hakimi 26-cı tura məhz bu üzdən təyinat almayıblar. Halbuki, Hakimlər Komitəsi əvvəlcədən hər ikisinin cari turda ş başında olmasını qərarlaşdırıbmış. Ancaq
Tovuz klubunun rəhbərliyinin ciddi ittihamlarından sonra təyinatlar dəyişdirilib. Əliyar bu gün "Qarabağ" - "Karvan-Yevlax" matçına VAR hakimi kimi təyinat alsa da, komitə onu Tural Qurbanovla əvəzləyib.
Hakimlər Komitəsinin həmin görüşdəki hakim qərarları ilə bağlı mövqeyi də bəllidir. Rəhim Həsənov hakimlərin ciddi səhvlərə yol verdikləri ilə razılaşır. O, bu gün ənənəvi videoşərhində çıxış edərək, qərarların ciddi səhv olduğunu dilə gətirəcək.
Mirağa
