Aprelin 5-də Şəmkir rayonu ərazisində Ramal Quliyevin öldürülməsi barədə rayon prokurorluğuna məlumat daxil olub.
APA xəbər verir ki, bu barədə Şəmkir rayon prokurorluğunun məlumatında bildirilib.
Qeyd edilib ki, araşdırma zamanı yetkinlik yaşına çatmayan şəxs tərəfindən rayonun Kür qəsəbəsi ərazisində Ramal Quliyevin qəsdən öldürülməsinə əsaslı şübhələr müəyyən edilib.
Faktla bağlı Şəmkir rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Yetkinlik yaşına çatmamış rayon prokurorluğu tərəfindən şübhəli şəxs qismində tutulub.
İbtidai istintaq davam etdirilir.
***
12:50
Xəbərə fotolar əlavə edilib.
***
12:22
Şəmkirdə baş verən qətlin təfərrüatları məlum olub.
APA-nın yerli bürosunun məlumatına görə, qətlə yetirilən 19 yaşlı Ramal Quliyev hadisəni törədən 2010-cu il F.Paşazadənin bacısını sevirmiş.
Hadisəni törədən yeniyetmə gecə saatlarında mərhum R.Quliyevə zəng edərək evlərinə çağırıb.
Bu zaman tərəflər arasında mübahisə düşüb. Mübahisə zamanı yeniyetmə 19 yaşlı gənc oğlana 3 bıçaq zərbəsi vurub.
R.Quliyev hadisə yerində həyatını itirib.
***
09:47
Şəmkirdə gənc oğlanı qətlə yetirən şəxs tutulub.
APA-nın yerli bürosunun məlumatına görə, Şəmkir rayon polis şöbəsinin əməkdaşlarının keçirdikləri müvafiq tədbirlər nəticəsində Şəmkir rayon sakini, 19 yaşlı Ramal Quliyevi kəsici-deşici alətlə qətlə yetirməkdə şübhəli bilinən 16 yaşlı F. Paşazadə saxlanılıb.
***
09:42
Şəmkirdə 19 yaşlı qətlə yetirən şəxsin kimliyi məlum olub.
APA-nın yerli bürosunun məlumatına görə, qətlə yetirilən rayonun Səməd Vurğun qəsəbə sakini 2007 R.Quliyevi Kür qəsəbəsi sakini 2010-cu il təvəllüdlü F.Paşazadə aralarında baş verən mübahisə zamanı bıçaqlayaq öldürüb.
Hadisə yerinə polis və prokurorluq əməkdaşları cəlb edilib.
***
09:32
Şəmkirdə qətl hadisə baş verib.
APA-nın yerli bürosunun məlumatına görə, hadisə rayon ərazisində qeydə alınıb.
Belə ki rayon sakini 2007-ci il təvəllüdlü R.Quliyev bıçaqlanıb. Gənc oğlan xəstəxanaya aparılarkən yolda ölüb. Hadisə yerinə polis əməkdaşları cəlb edilib.
Faktla bağlı araşdırma aparılır.
