BAKI, 5 aprel. TELEQRAF
İran və regiondakı müttəfiq silahlı qruplar İsrail ərazisində yerləşən iki iri elektrik stansiyasını potensial hücum hədəfləri siyahısına əlavə edib.
Teleqraf xəbər verir ki, bu barədə "Tasnim" agentliyi mənbələrə istinadən məlumat yayıb.
Məlumata görə, İran hakimiyyət strukturlarındakı mənbələr bildiriblər ki, İsraili enerji ilə təmin edən iki əsas elektrik stansiyası müqavimət cəbhəsinin birgə əməliyyat qərargahının hədəf siyahısına daxil edilib.
Qeyd olunur ki, bu qərar əks-cavab strategiyası çərçivəsində qəbul olunub və İranın həyati infrastrukturuna yönələn istənilən təhdidə cavab verməyə hazırlıq kimi qiymətləndirilir.
