İngiltərə Premyer Liqasında ən çox maaş alan oyunçuların adları açıqlanıb.
Yeniavaz.com xəbər verir ki, siyahını Fransanın nüfuzlu “L'Équipe” qəzeti təqdim edib.
“Mançester Siti”nin norveçli hücumçusu Erlinq Holan ayda 2,63 milyon avro ilə siyahıya başçılıq edir.
İkinci yerdə ayda 2 milyon avro ilə “Liverpul”un misirli hücumçusu Məhəmməd Salah qərarlaşır. Üçüncü və dördüncü yerləri ayda 1,75 milyon avro ilə “Mançester Yunayted”in braziliyalı yarımmüdafiəçisi Kazemiro və “Liverpul”un niderlandlı müdafiəçisi Vircil van Deyk bölüşür.
Siyahını təqdim edirik:
1. Erlinq Holan (“Mançester Siti”) - 2,63 milyon avro;
2. Məhəmməd Salah (“Liverpul”) - 2 milyon avro;
3-4. Kazemiro (“Mançester Yunayted”) - 1,75 milyon avro;
3-4. Vircil van Deyk (“Liverpul”) - 1,75 milyon avro;
5-6. Bruno Fernandes (“Mançester Yunayted”) - 1,5 milyon avro;
5-6. Bukayo Saka (“Arsenal”) - 1,5 milyon avro.
