Demokrat.az saytından alınan məlumatlara görə, ain.az xəbər verir.
Ütüləmək çox vaxt aparan və yorucu ev işlərindən biri hesab olunur. Lakin düzgün yuma və qurutma üsulları ilə bu zəhməti minimuma endirmək mümkündür. Bir neçə sadə qaydaya əməl etməklə paltarların ütülənmiş kimi görünməsini təmin edə bilərsiniz.Qırışların qarşısını almaq üçün proses elə paltaryuyan maşında başlamalıdır. Aşağı dövriyyəli sıxma proqramları geyimlərin liflərini daha az zədələyir və büzüşmənin qarşısını alır. Eyni zamanda maşını həddindən artıq doldurmamaq lazımdır. Paltarların içəridə sərbəst hərəkət edə bilməməsi onların bir-birinə sıxılaraq dərin izlər buraxmasına səbəb olur.Yuma başa çatan kimi paltarları maşında saxlamadan çıxarıb sirkələyərək asmaq ən vacib addımdır. Köynək və donları birbaşa asılqanlara keçirərək qurutmaq onların formasını qoruyur. Şalvarları isə balaq hissəsindən sancaqla asmaq daha düzgün nəticə verir. Asarkən əl ilə üzərindən yüngülcə keçmək mövcud qırışları böyük ölçüdə itirir.Əgər vaxtınız azdırsa, buxarın gücündən yararlana bilərsiniz. İsti duşdan sonra hamamda yaranan buxar təbii qırışaçan funksiyasını yerinə yetirir. Paltarları qısa müddət həmin mühitdə saxlamaqla ütüyə ehtiyac duymadan hamar görünüş əldə etmək olar.Aytən
Demokrat.az
Hadisənin gedişatını izləmək üçün ain.az saytında ən son yeniliklərə baxın.
