ain.az xəbər verir, Oxu.az saytına əsaslanaraq.
Böyrək xəstələrinin sayı ildən-ilə artır. Hətta onların arasında yeni doğulmuş və yetkinlik yaşına çatmayan uşaqlar da var. 2011-ci ildən bu günə qədər 56 uşağa böyrək köçürmə əməliyyatı həyata keçirilib. Bunlardan ən kiçiyinin 4 yaşı var.
Oxu.Az Xəzər TV-yə istinadən xəbər verir ki, Səhiyyə Nazirliyinin mütəxəssisi, həkim-nefroloq Hikmət İsmayılovun sözlərinə görə, son illərdə xroniki böyrək xəstəliklərinin geniş yayılması mütəxəssisləri ciddi narahat edir.
Azərbaycanda böyrək xəstələrinin sayı niyə çoxalıb? - VİDEO
Böyrək xəstəliklərinin yaranmasında əsas səbəblərdən biri şəkərli diabetdir. Bundan başqa, böyrəyin funksiyasının zəifləməsinə səbəb olan digər xəstəliklər də mövcuddur. Bu xəstəliklərdən əziyyət çəkən şəxslər risk qrupuna daxildirlər.
Hikmət İsmayılov bildirib ki, xroniki böyrək xəstəliyinin səbəbindən, mərhələsindən və inkişaf dərəcəsindən asılı olaraq bəzi hallarda xəstədə heç bir şikayət müşahidə olunmaya bilər. Bununla yanaşı, böyrək nahiyəsində ağrılar, tez yorulma, halsızlıq, iştahasızlıq, ödemlər, yüksək arterial təzyiq, ürəkbulanma və qusma kimi əlamətlər də yarana bilər. Eyni zamanda narahat ayaqlar sindromu, qaşınma və əzələ qıcolmaları kimi şikayətlər də mümkündür.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
